இரண்டு சந்தேகங்கள்…


இன்று என் மனைவியின் பிறந்தநாளை முன்னிட்டு காலையில் முதலில் கோவிலுக்கு சென்றோம். ரொம்ப மாதமாக போக வேண்டும் என்று நினைத்த , கோடம்பாக்கம் சாரதாம்பாள் கோவிலுக்கு சென்றோம்.  வடபழனியில் இருந் செல்லும் பொழுது கோடம்பாக்கம் பாலம் ஏறுவதற்கு முன்பு இடதுபுறம் திரும்பினால் , பிரம்மாண்டமான கோபுரத்துடன் எழுந்தருளி இருக்கிறாள் அம்பாள்.

 

கால் முட்டி வலி உடையவர்கள் ஏற அச்சப்படும் அளவிற்கு உயர்ந்த படிக்கெட்டுகளில் ஏறி  உள்நுழைந்தால் , பிரம்மாண்டமான தியான மண்டபம். வரிசையாக ஸ்ருங்கேரி மடாதிபதிகளின் படங்கள் இருந்தன. அங்கு வேறு யாரையும் காணவில்லை. இடப்புறம் இருக்கும் படிக்கெட்டுகளில் ஏறி அடுத்த தளத்திற்கு சென்றால், உள் நுழைந்தவுடன் நம்மை வரவேற்பது வேழமுகத்தோன்.  விநாயகர் சந்நிதிக்கு இடப்புறம், ஹாலின் நடுநாயகமாய் அம்பாள் வீற்றிருக்கிறாள். காண்போர் மனதை கொள்ளைக் கொள்ளும் விதமாய் இருந்த சாரதாம்பாளை வணங்கி விட்டு அடுத்து நகர்ந்தால் இறுதியாய் ஏழுமலையான் மலையில் இருந்து இறங்கினாலும் இங்கே உயரத்தில்தான் நிற்பேன் என்று நின்றுக் கொண்டிருக்கிறான். அளவாய் மூன்றே சந்நிதிகள். காலை பதினோரு மணிக்கு முன்பு செல்லுங்கள். பதினோரு மணிக்கு நடை சாத்திவிடுகிறார்கள்.

இப்ப தலைப்புக்கு வரேன்….

சுப்பிரமணிய சுவாமியினால் புகழ்பெற்ற அந்த கடையின் தி நகர் கிளையில் சாப்பிட சென்றோம். உணவின் ருசி , விலை பற்றி பிரச்சனை இல்லை. அந்தக் கடையினுள் நுழைந்தவுடன் இடதுபுறம் சிறு மேடை இருக்கும். அதில் இனிப்பு/சிப்ஸ் போன்றவை இருக்கும். அதற்கு இடதுபுறம் பில் போடும் மேஜை. இரண்டிற்கும் இடையில் சிறு இடைவெளி உள்ளது. அதில் ஒரு பெண்  ஒரு காலை தொங்கவிட்டு ஒரு காலை மடித்து  கொஞ்சம் திரும்பிய வாக்கில் உக்காந்திருந்தாள். நாள் முழுக்க அப்படிதான் உக்காரணும்… நேராய் உட்கார்ந்தால் காலை மடிக்க இயலாது தொங்க விட இயலாது . வேலை செய்பவர்கள் கொஞ்சம் வசதியாய் உட்கார வசதி செய்துக் கொடுத்தால் லாபம் குறைந்து விடுமோ ??

 

அடுத்த சந்தேகம், இந்த நகைக் கடையில் வேலை செய்யும் பெண்கள் எப்படி ஒரே வார்ப்பில் வடித்தவர்கள் போல் உள்ளனர். தேர்வு செய்யும் பொழுதே, ஒல்லியாக எலும்பும் தோலுமாய் இருப்பவர்களைத்தான் தேர்வு செய்வார்களோ ?? இல்லை தேர்வு செய்தபின் டயட் இருக்க சொல்லி மாற்றி விடுவார்களா ?

 

எதோ ஒரு கதை (குமுதம் / ஆவி ??)  வாத்யார்  எழுதியது . சேட்டுகள் தங்கள் கடைகளில் வேலை செய்யும் பெண்களை தேர்ந்தெடுப்பதில் மிக கவனமாய் இருப்பார்கள். அதிக கவனம் ஈர்க்காத கொஞ்சம் ஒல்லியாய் மாநிறமாய் இருக்கும் பெண்களையே தேர்ந்தெடுப்பார்கள் என்ற ரீதியில் வரும். எந்தக் கதை என மறந்து விட்டது .

 

இங்கும் அது போல் இருக்குமோ ??

 

அன்புடன் எல்கே

Advertisements

2 Comments »

  1. 1
    Aranganayagi Arasan Says:

    கார்த்திக் முதலில் உங்கள் மனையாளுக்கு எங்களின் இனிய பிறந்த நாள் வாழ்த்துக்கள்.

    உங்கள் மனதில் தோன்றிய கேள்விக்கு யாரவது பதில் சொல்வார்கள்

  2. 2
    ஸ்ரீவிஜி Says:

    வேலை செய்கிற பணியாட்களுக்கு நல்ல வசதிகள் செய்து தருவது அவசியம். இப்படி மறைமுக கொடுமைகள் அவலமே..


RSS Feed for this entry

பின்னூட்டங்கள் மூடப்பட்டுள்ளது.

%d bloggers like this: